Nalunaarsuutit tunngaviusut
Una saqqummersitaq inuusuttut suliffeqarnermut ilinniartitaanermullu attuumassuteqartunut paasissutissiivoq. Ukiumi kisitsiviusumi naatsorsuutini pineqarput ukiup naalernerani 16-it 25-illu akornanni ukiullit aammalu tunngavilersuutinik ataani taaneqartunik naammassinnissimasut:
1. Ukiup aallartinnerani naaneranilu Kalaallit Nunaanni inunnik nalunaarsuiffimmi (najugaqavissutut) allassimaneq
2. Ukiup naalernerani Kalaallit Nunaanni inunnut nalunaarsuiffimmi allassimaneq aammalu ukiup kisitsiviusup ingerlanerani Kalaallit Nunaata avataani efterskolemik ilinniakkamilluunniit ingerlatsisimalluni naammassinnissimaneq imaluunniit unitsitsisimaneq
3. Ukiup naalernerani Kalaallit Nunaanni inunnut nalunaarsuiffimmi allassimaneq ilinniakkamillu ingerlatsisutut nalunaarsorsimaneq , ukiullu naalernerani Kalaallit Nunaanni ilinniarfimmik naammassinnissimannginneq imaluunniit ukiup ingerlanerani Kalaallit Nunaata avataani efterkolemik ilinniakkamilluunniit ingerlatamik unitsitsisimaneq
4. Ukiup naalernerani Kalaallit Nunaanni inunnut nalunaarsuiffimmi allassimannginneq kisiannili ukiumi kisitsiviusumi qaammat decembarimi Kalaallit Nunaata avataani efterkolemik ilinniakkamilluunniit ingerlataqartutut nalunaarsorsimaneq
Inuusuttut qulaani pineqartunik naammassinnissimasut amerlassutsini taaneqarput. Ukiup naalernernerini kisitsinerit toqqarneqarput Naatsorsueqqissaartarfiup ilinniartitaanermut kisitsisitigut paasissutissai naatsorsuutit pineqartumi naatsorsorneqartarmata aammalu suliffeqarnermut kisitsisitigut paasissutissat ukiumoortumik naatsorsorneqartarmata. Inuttaasunut kisitsisitigut paasissutissat ukiup kisitsiviusup aallartinnerani naatsorsorneqartarput taamaattumillu innuttaasut amerlassusaat ukiup naalernerani ukioq X naliginnaasumik inuttaasut amerlassusaat ukiup aallartinnerani ukioq X+1-ip assigaa.
Efterkoleni aammalu ilinniarfinni ingerlatsisutut nalunaarsukkani pineqarput Oqaatsinik Pikkorissarfimmi, Ilinniartitaanermut Naalakkersuisoqarfimmi aammalu Ilinniagaqarnersiuteqartitsivimmi (USF-imi) nalunaarsorsimasut.
Ukiunut killiliussat aalajangerneqarput Meeqqat Atuarfianni 10.klassertut nalinginnaasumik atuartup 16-iliinerani naammassineqartarmat aammalu 25-inik ukiullit inuusunnerusulluunniit illoqarfiit ilaanni Piareersarfinnut Suliffissarsiuussisarfinnuunngitsoq innersuunneqartarmata.
Inuusuttut amerlassusaanni ilinniagaq naammassisimasaq qaffasinnerpaaq ukiup kisitsiviusup naalernerani naatsorsorneqarpoq. Ilinniakkat qaffassarfiusut saniatigut ilinniarnertuunngorniarfiit ilinniakkani naammassisimasuni ilaatinneqarput. Aammattaaq nalunaarsorneqarput inuusuttut ukiumi kisitsiviusumi qaammat decembarimi ilinniartut, suliffillit imaluunniit taaneqartunik ingerlataqanngitsut. Nalunaarsukkanilu salliutinneqarput taaneqareersut tulleriaarneri pineqartoq ilinniarfimmik ingertaqarlutik suliffeqartut ilinniartutuinnaq taaneqarmata. Ataani takuneqarsinnaapput ilinniakkanik ingerlatsillutik aamma suliffeqartut.
Tabel 7. Pineqartut ilinniakkanik ingerlatsisut suliffillit
|
|
2009 |
2010 |
2011 |
2012 |
2013 |
2014 |
|
16-18 inik ukiullit ....... |
207 |
198 |
250 |
198 |
187 |
157 |
|
16-25-nik ukiullit ........ |
1.081 |
1.050 |
1.146 |
1.058 |
1.002 |
895 |
Nalunaarut: Kisitsisit pineqartut Kisitsisaataasivimmiinngillat
Inuusuttut suliffeqaratillu ilinniakkanik ingerlatsinngitsut inuusuttunik sullinniakkanik taaneqarput. Inuusuttuni sullinniakkani pineqarput inuusuttut suliffissaaleqisut aammalu inuusuttut suliffissarsiunngitsut. Inuusuttut suliffissarsiunnginnerannut patsisaasut assigiinngitsuusinnaapput, soorlu naartunermik imaluunniit siusinaartumik soraarnerussutisiaqarnermik peqquteqarsinnaallutik. Inuusuttuni sullinniakkani nassaassaapput pineqartut ilinniakkanik ingerlatsisut Ilinniagaqarnersiuteqartitsiviup nalunaasuiffiani allassimanngitsut, Piareersarfinni suliffeqarfinniluunniit ingerlatsisut imaluunniit suli Meeqqat Atuarfiannik ingerlatsisut. Nalunaarsuutit taakkununnga tunngasut naammattuunngikkunik nassaassaanngillat, kisiannili nalunaarsuutini tulliuttussani ilaatinneqarnissaat sulissutigineqarpoq.
Killiliineq
Inuusuttut Kalaallit Nunaanniittut ilaat ukiuni kisitsiviusuni amerlassutsinut ilaatinneqanngillat. Tassani pineqarput ataani taaneqartuni tunngavilersuutinik minnerpaamik ataatsimik naammassinnissimasut:
· Ukiup naalernerani kommunit agguaannerisa avataanni najugalittut allassimasut
· Ukiup kisitsiviusup ingerlanerani Kalaallit Nunaannut nunasisimasut taamatullu ukiumi kisitsivimmi Kalaallit Nunaata avataani efterskolemik ilinniakkamilluunniit ingerlataqarsimanngitsut aammalu ukiup naalernerani ilinniakkamik ingerlataqanngitsut
· Ukiup kisitsiviusup ingerlanerani Kalaallit Nunaannit nunasiartorsimasut aammalu qaammat decembarimi efterskolenik ilinniakkanilluunniit ingerlataqanngitsut
· Ataani takuneqarsinnaapput pineqartut amerlassusaat amerlassutsinut ilaatinneqanngitsut. 2009 aammalu 2010 akornanni kisitsisinut peqqutaavoq Qallunaat Nunaanni efterkoleni naammassisunut unitsitsiinnartunullu nalunaarsuutit aatsaat ukiumi atuarfiusumi 2009/2010-mi tigussaalersimammata.
Tabel 8. Pineqartut amerlassutsinut ilaatinneqanngitsut
|
|
2009 |
2010 |
2011 |
2012 |
2013 |
2014 |
|
Komminut agguaannerisa avataaniittut.............. |
10 |
9 |
14 |
21 |
29 |
11 |
|
Kalaallit Nunaannut nunasisimasut .................. |
493 |
415 |
314 |
265 |
252 |
290 |
|
Kalaallit Nunaannit nunasiartorsimasut ............... |
497 |
279 |
286 |
369 |
295 |
304 |
|
Katillugit ................ |
1.000 |
703 |
614 |
655 |
576 |
605 |
Nalunaarut: Kisitsisit pineqartut Kisitsisaataasivimmiinngillat